Okondoko Baserri Azoka ospatuko da igandean, martxoak 24

Igande honetan, hilak 24, ospatuko da Okondon XVI. Baserri Azoka. Okondoko Udalak, kultur elkarteek eta ostalariek antolatu dute azoka “gazte, berritzaile eta erakargarri” hau. Azoka girotzeko dantzak, musika, taloa, txakolina eta baserriko produktu freskorik hoberenak eta kalitatezkoak izango dira. Horrez gain, Eusko Labeleko haragiaz egindako hanburgesak banatuko dira azokara hurbiltzen diren pertsona guztien artean. Azoka ez ezik, Aiara eskualdeko trikitilarien bigarren topaketa ere egingo da. Aiaran trikitixa eta kultura sustatu eta hedatzeko, eskualdean antolatzen den jaia da. Trikitilarien lehiaketa, kalejirak eta triki jaia ere izango dira egun horretan. ..